ცნობილია, რომ ბორდერ ტერიერებს შესანიშნავი მადა აქვთ და სიამოვნებით მიირთმევენ ნებისმიერ საკვებს, რომელსაც მათი თათები მისწვდება. ჭარბი წონის მატებისადმი ამგვარი მიდრეკილების გამო, ბორდერ ტერიერის კვება პორციების ზომის აქტიურ კონტროლს საჭიროებს.
როგორ უნდა გავიგოთ, აქვს თუ არა ჩვენს კომპანიონ ცხოველს ჭარბი წონა? ბორდერ ტერიერის წონის ვიზუალურად შეფასება საკმაოდ მარტივია – ჭარბწონიანობის ფიზიკური გამოვლინება მომატებული ცხიმოვანი მასა და რთულად შესამჩნევი ძვლოვანი სისტემაა (ნეკნები, ხერხემალი, კიდურები და სახის ძვლები).
სიმსუქნე განსაკუთრებით საზიანო ხანდაზმული ძაღლებისთვის არის. ზრდასრულ ბორდერ ტერიერებთან შედარებით მათ ნაკლები კალორია და მეტი ცილა ესაჭიროებათ. წარბწონიან კომპანიონ ცხოველებს საკვების ათვისებისა და სისხლში გლუკოზის კონცენტრაციის ნორმალიზებისთვის გაცილებით მეტი დრო სჭირდებათ. შედეგად, ხანდაზმულ ბორდერ ტერიერებში დიაბეტის განვითარების რისკიც უფრო მაღალია.
თუ თქვენი ოჯახის მნიშვნელოვანი წევრის წონის კონტროლი და მის ჯანმრთელობაზე ზრუნვა გსურთ, ძაღლის საუკეთესო საკვების მწარმოებლის მიერ რეკომენდირებული კვების სახელმძღვანელო მითითებების დაცვა გონივრული გადაწყვეტილებაა.
საუკეთესო შემთხვევაში, თქვენი ბორდერ ტერიერის საკვები ცილების, ცხიმებისა და ნახშირწყლების იდეალურ ბალანსს უნდა უზრუნველყოფდეს. ცნობილი ფაქტია, რომ ცილა, ადამიანების მსგავსად, ძაღლებშიც უწყობს ხელს შიმშილის ჰორმონის, გრელინის შემცირებას. რაც იმას ნიშნავს, რომ ჩვენი კომპანიონი ცხოველები მხოლოდ დიდი რაოდენობით ხარისხიანი ცილის მიღების შემდეგ იგრძნობენ თავს კმაყოფილად.
ტერიერების უმრავლესობის მსგავსად, ბორდერ ტერიერიც მიდრეკილია სახსრების პრობლემებისადმი. სწორედ ამიტომ, ბორდერ ტერიერისთვის რეკომენდირებული ძაღლის საუკეთესო საკვები ისეთი აუცილებელი საკვები ნივთიერებებისგან უნდა შედგებოდეს, როგორიც ომეგა 3, D ვიტამინი, კალციუმი და კალიუმია.
ბორდერ ტერიერის მსგავსი პატარა ძაღლები, საკვებს იმაზე უფრო სწრაფად ითვისებენ, ვიდრე დიდი ჯიშები და ამის გამო, მათი კუჭი სწრაფად ცარიელდება. ამ პროცესის დარეგულირებაში, თქვენი ოჯახის მნიშვნელოვან წევრს ისეთი ბოჭკოვანი საკვების მიღება დაეხმარება, როგორიც ხილი, ბოსტნეული და მარცვლეულია, (ყავისფერი ბრინჯი ან შვრია). თქვენი კომპანიონი ცხოველის ინდივიდუალური საჭიროებების სწორად გამოვლენისთვის და ამ საკითხთან დაკავშირებული დამატებითი ინფორმაციის მისაღებად ნუტრიციოლოგს მიმართეთ.
