ძაღლის ჯიშები

ბორდერ ტერიერი

  • ჯიშის მიმოხილვა

    ბეწვის ცვენა

    ნერწყვდენა

    გრუმინგის სიხშირე

    ბავშვებთან ურთიერთობა

    სხვა ცხოველებისადმი კეთილგანწყობა

    ოჯახის წევრებისადმი დამოკიდებულება

    სოციალიზაციის უნარი

    გაწვრთნის სიმარტივე

    ახალ გარემოსთან ადაპტაცია

    აქტიურობის დონე

    ფიზიკური დატვირთვის საჭიროება

    ყეფის ინტენსივობა

    სუნთქვის პრობლემები

ძაღლის ჯიშები

ბორდერ ტერიერი

მძაფრი ინსტინქტები და უსაზღვრო ენერგია ბორდერ ტერიერს თავგადასავლების მოყვარული ადამიანებისთვის შესაფერის კომპანიონად აქცევს. საუკეთესო შემთხვევაში, ბორდერ ტერიერს გვერდით ისეთი ადამიანი უნდა ჰყავდეს, რომელსაც ჯიშისთვის რეკომენდირებული ფიზიკური და გონებრივი აქტივობების დასაგეგმად საჭირო დროის გამოთავისუფლება შეუძლია.

ბორდერ ტერიერი განსაკუთრებით ფხიზელი და გაბედული ჯიშია. ენერგიული ბუნებიდან გამომდინარე, ის დღის ნებისმიერ მონაკვეთში მზად არის თქვენთან თამაშისთვის. სწორედ ეს ცოცხალი ქცევა, მოსიყვარულე ბუნება და მრავალმხრივი შესაძლებლობები აქცევს ოჯახის ამ მნიშვნელოვან წევრს ძვირფას კომპანიონად. თუმცა, ის, რაც ნამდვილად გამოარჩევს ბორდერ ტერიერს სხვა კომპანიონი ცხოველებისგან, ეს მათი ინტელექტი და სხვადასხვა საცხოვრებელ გარემოსთან ადაპტირების შესანიშნავი უნარია. 

ჯიშის ძირითადი მახასიათებლები:

  • გონიერება 
  • დამოუკიდებლობა
  • სიმამაცე
  • ლოიალურობა
  • მეგობრულობა
  • ენერგიის მაღალი დონე
  • აქტიური სეირნობის სიყვარული
  • დამატებითი წვრთნის საჭიროება
  • აქტიური ვოკალიზაცია
  • დეტალური ინფორმაცია

    ზომა

    მდედრი ბორდერ ტერიერი სიმაღლეში 30-36 სანტიმეტრია. მამრი ბორდერ ტერიერის შემთხვევაში, ეს მაჩვენებელი 33-38 სანტიმეტრს უტოლდება. სხვა ფიზიკურ მონაცემებს რაც შეეხება, მდედრი და მამრი ბორდერ ტერიერის სიგრძე 43-51 სანტიმეტრის ფარგლებში მერყეობს.

    წონა

    ბორდერ ტერიერის წონასთან დაკავშირებული ინდივიდუალური შემთხვევები გენეტიკის, დიეტისა და ჯანმრთელობის მდგომარეობის შესაბამისად იცვლება. თუმცა, ჩვეულებისამებრ, ზრდასრული მამრი და მდედრი ბორდერ ტერიერიები საშუალოდ 5-7 კილოგრამს იწონიან. 

    სიცოცხლის ხანგრძლივობა

    ბორდერ ტერიერის სიცოცხლის ხანგრძლივობა 12-დან 15 წლამდე მერყეობს და ადამიანის ცხოვრების დაახლოებით 64-76 წელს უტოლდება. თუმცა, გახსოვდეთ, ეს ციფრები მხოლოდ პირობითია და ჩვენი ოჯახის მნიშვნელოვანი წევრის სიცოცხლის ხანგრძლივობა მისი ცხოვრების ჯანსაღ წესსა და ჰარმონიულ საარსებო გარემოზეა დამოკიდებული.

    ბეწვის საფარი

    ბორდერ ტერიერის ბეწვი ხშირი და უხეშია. ბეწვის ზედა ფენა განსაკუთრებით მკვრივია, რაც ექსტრემალური ამინდის მიმართ აუცილებელ დაცვას უზრუნველყოფს. ბეწვის ქვედა ფენას რაც შეეხება, ის საკმაოდ რბილია და ცივ ამინდში შესანიშნავად ინარჩუნებს სითბოს. ყველაზე ხშირად შავი, ყავისფერი, ჟღალი და ნაცრისფერი შეფერილობის მქონე ბორდერ ტერიერს შეხვდებით. ჩვეულებისამებრ, ბორდერ ტერიერს კვირაში ერთხელ ესაჭიროება გრუმინგი. თუმცა, გაზაფხულზე და შემოდგომაზე, შესაძლოა მათ ბეწვზე ზრუნვა ყოველ მეორე დღეს გახდეს საჭირო. 

  • ჯიშის ხასიათი
  • ჯანმრთელობის პოტენციური პრობლემები
  • ნუტრიციოლოგიური საჭიროებები და კვება
  • ჯიშის წარმოშობის ისტორია