ჩაუ ჩაუ გონიერი კომპანიონი ცხოველია, თუმცა, მისთვის დამახასიათებელი დამოუკიდებლობა და სიჯიუტე ხშირად წვრთნასთან დაკავშირებულ პრობლემებში ვლინდება. სწორედ ამიტომ ესაჭიროება ოჯახის ამ მნიშვნელოვან წევრს მშვიდი და პრაგმატული მშობელი, რომელსაც ოთხფეხა მეგობრის ვარჯიშისა და სოციალიზაციისთვის საჭირო რესურსების გამოთავისუფლების დრო და სურვილი აქვს. 

ხანმოკლე ყოველდღიური ვარჯიში, სეირნობა და ინტერაქტიული სათამაშოებით თამაში, ჩაუ ჩაუს ჯანმრთელობასთან ერთად მისი ბედნიერების უზრუნველყოფაშიც დაგეხმარებათ.

ჩაუ ჩაუ ხშირად ამჟღავნებს გულგრილობას უცხო ადამიანების მიმართ და მთელი თავისი ერთგულებით მხოლოდ ერთ ადამიანზე კონცენტრირდება. ამის მიუხედავად, სათანადო წვრთნისა და სოციალიზაციის შემთხვევაში, ეს უნიკალური კომპანიონი ცხოველები ოჯახის ყველა წევრთან, მათ შორის ბავშვებთანაც ჰარმონიულად თანაცხოვრებენ.

დისპლაზია

დისპლაზია სამედიცინო ტერმინია, რომელიც მენჯ-ბარძაყის სახსრის ნაწილობრივ ან სრულ ამოვარდნას გულისხმობს. დისპლაზიამ შესაძლოა ძვლის ცვეთა და ამ პროცესთან დაკავშირებული ტკივილი გამოიწვიოს. 

კომპანიონი ცხოველების უმრავლესობას დისპლაზია დაბადებიდანვე აქვს. თუ დისპლაზიის დიაგნოზირება ადრეულ ეტაპზე მოხდება, პრობლემის გამოსწორებას იოლად შეძლებთ. სხვა შემთხვევებში, ძვლების მდებარეობის შესაცვლელად შესაძლოა ოპერაცია გახდეს საჭირო. 

მიუხედავად იმისა, რომ ამ დაავადების განვითარებაში გენეტიკა მნიშვნელოვან როლს ასრულებს, სახსრებზე დატვირთვის შესამცირებლად ჯანსაღი წონის შენარჩუნებას განსაკუთრებული მნიშვნელობა აქვს. ყოველდღიური სეირნობა და ცურვა მენჯ-ბარძაყის გარშემო არსებული კუნთების ჩამოყალიბებას და მათი სიმტკიცის შენარჩუნებას შეუწყობს ხელს.

პანოსტეიტი

პანოსტეიტი ფეხის ერთი ან მეტი გრძელი ძვლის ზედაპირის მტკივნეული ანთებაა, რომელიც ყოველგვარი ტრავმის ან გადაჭარბებული ვარჯიშის გარეშე, მოულოდნელად და სპონტანურად ვითარდება. მიუხედავად იმისა, რომ დაავადება შესაძლოა ნებისმიერ კომპანიონ ცხოველში გამოვლინდეს, პანოსტეიტისადმი ძირითადად დიდი ჯიშები არიან მიდრეკილნი.

დაავადებული ძაღლები, ჩვეულებრივ, 6-დან 18 თვემდე ასაკის არიან, თუმცა, თავდაპირველი სიმპტომები შესაძლოა 2 თვის ასაკშიც გამოვლინდეს. პანოსტეიტის გამომწვევი მიზეზი უცნობია, მაგრამ გენეტიკა, სტრესი, ინფექცია, მეტაბოლიზმი ან კვება შესაძლოა მაპროვოცირებელი ფაქტორები იყოს. 

ენტროპიონი

ენტროპიონი გახლავთ მდგომარეობა, როდესაც ქუთუთო თვალის მიმართულებით ბრუნდება და მის ზედაპირს ეხება. თუ ქუთუთოს კიდე შიგნით ჩაბრუნდა, წამწამები თვალის კაკლის ზედაპირს შეეხება და წყლულის წარმოქმნას გამოიწვევს. ენტროპიონი ადამიანების მსგავსად ცხოველებშიც თვალში უცხო სხეულის მოხვედრის შეგრძნებას, ცრემლდენასა და სიწითლეს იწვევს. გაღიზიანების დასაცხრობად ვეტერინარები ხშირად ხელოვნურ ცრემლსა და დამატენიანებელ მალამოებს იყენებენ.

ჩაუ ჩაუს ნუტრიციოლოგიური საჭიროებები მის ასაკზე, ზომაზე, აქტივობის დონესა და ჯანმრთელობის მდგომარეობაზეა დამოკიდებული. ოჯახის ეს მნიშვნელოვანი წევრები სიმსუქნისადმი არიან მიდრეკილი, ამიტომ პორციის კონტროლს მათი სხეულის რეკომენდირებული მასის შესანარჩუნებლად გადამწყვეტი მნიშვნელობა აქვს. ჭარბი წონის თავიდან ასაცილებლად მოერიდეთ უკონტროლო კვებას და რეგულარულად აკონტროლეთ ოთხფეხა მეგობრის წონა. 

ულუფების მოცულობის განსაზღვრისას თქვენი კომპანიონი ცხოველის ცხოვრების წესი მიიღეთ მხედველობაში. თუ თქვენი ჩაუ ჩაუ ძალიან აქტიურია, მას ნაკლებად ენერგიულ ძაღლებთან შედარებით მეტი კალორია დასჭირდება. 

თქვენი ოთხფეხა მეგობრისთვის საკვების შერჩევისას, უპირატესობა მიანიჭეთ სპეციალურად დიდი ჯიშებისთვის შექმნილ საკვებს, რომელიც მათ საჭიროებებზე მორგებულ დაბალანსებულ ინგრედიენტებს შეიცავს. მოძებნეთ ძაღლის საკვები, რომელიც შემავსებლებისა და კონსერვანტებისგან თავისუფალია. ორგანიზმისთვის მავნე ხელოვნურმა დანამატებმა შესაძლოა საჭმლის მომნელებელი სისტემის პრობლემების პროვოცირება გამოიწვიოს.

გახსოვდეთ, ცილებით მდიდარი, მაღალი ხარისხის საკვები კომპანიონი ცხოველის სახსრების ჯანმრთელობასა და კუნთების სათანადოდ განვითარებასაც ეფექტურად უზრუნველყოფს.  

პანოსტეიტისადმი მიდრეკილების გამო, შესაძლოა თქვენი ოჯახის მნიშვნელოვან წევრს მადა დაუქვეითდეს. ამ შემთხვევაში, მისთვის სათანადოდ დაბალანსებული და მადისაღმძვრელი საკვების შეთავაზებაა რეკომენდირებული. გარკვეულ შემთხვევებში, შესაძლოა, ომეგა 3 ცხიმოვანი მჟავებისა ან ანტიოქსიდანტების მიწოდებაც გონივრული გადაწყვეტილება იყოს. 

ჩაუ ჩაუს კვებასთან დაკავშირებული კიდევ ერთი მნიშვნელოვანი საკითხი ალერგიული ფონის განვითარების რისკია. ამ პრობლემის თავიდან ასაცილებლად, ყურადღება მიაქციეთ საკვებისადმი მგრძნობელობის ნებისმიერ ნიშანს (ქავილი, საჭმლის მომნელებელი სისტემის პრობლემები ან კანის პრობლემები) და თუ ივარაუდებთ, რომ თქვენი ოჯახის მნიშვნელოვან წევრს კვებითი ალერგია აწუხებს, მკურნალობის ეფექტური მეთოდების შესამუშავებლად დაუყოვნებლივ მიმართეთ ნუტრიციოლოგს.

ჩაუ ჩაუ აზიური წარმოშობის უძველესი ჯიშია. ამ უნიკალური კომპანიონი ცხოველის გამოსახულებები 206 წლით დათარიღებულმა ჩინურმა არტეფაქტებმა შემოგვინახა. ჯიშმა განვითარების ადრეული წლები ჩინეთში, არისტოკრატების გვერდით, გაატარა. თუმცა, ხანგრძლივი ისტორიის მანძილზე, ჯი­შის წარ­მო­მად­გენ­ლე­ბი ბუ­დის­ტუ­რი ტაძ­რე­ბის მო­და­რა­ჯე­ე­ბი და ჩი­ნე­თის იმ­პე­რა­ტო­რე­ბის მო­ნა­დი­რე ძაღ­ლე­ბი იყ­ვნენ. ამას ჩინეთში აღმოჩენილი, 2000 წელზე მეტი ხნით დათარიღებული ბარელიეფური ჩუქურთმებიც ადასტურებს. 

დნმ-ის ტესტმა აჩვენა, რომ ჩაუ ჩაუ შარ-პეის, შიბა ინუსა (რადგან ნახსენებია, შეგვიძლია ამ ჯიშებზეც დავწეროთ) და აკიტას ენათესავება. სხვა კომპანიონი ცხოველების მსგავსად, ჩაუ ჩაუც ვარდისფერი ენით იბადება. მისი ენა მხოლოდ მაშინ იცვლის ფერს, რაც ოჯახის ეს მნიშვნელოვანი წევრი თვალების გახელას და სამყაროს აღქმას იწყებს. ენამ შესაძლოა ლურჯი, მეწამული ან შავი ფერი მიიღოს. ამის მიზეზად მეცნიერები პირის ღრუში დამატებითი პიგმენტაციის არსებობას ასახელებენ.