“ნაზი გიგანტების” სახელით ცნობილი სერბერნარები, ტიბეტური მასტიფების მსგავსად,  კეთილი და მოსიყვარულე ბუნებით გამოირჩევიან. ლოიალურობა, მშვიდი ტემპერამენტი და  კომუნიკაბელური ხასიათი მათ ოჯახის მნიშვნელოვან წევრებად აქცევს. თანდაყოლილი ინსტინქტების გამო სერბერნარის ჯიშის წარმომადგენლებს ხშირად “ძიძა ძაღლების” სახელითაც მოიხსენიებენ. მათი მოსიყვარულე ბუნება ოჯახის ყველა წევრზე, განსაკუთრებით კი ბავშვებზე ვრცელდება. 

მეგობრულ ბუნებასთან ერთად, სერბერნარები შთამბეჭდავი დამცველობითი ინსტინქტებითაც ხასიათდებიან. ფხიზლად ყოფნა და პოტენციური საფრთხის შესახებ ოჯახის წევრების გაფრთხილება მათი გენეტიკური მემკვიდრეობაა. 

ბარძაყის დისპლაზია

ბარძაყის დისპლაზია სამედიცინო ტერმინია, რომელიც მენჯ-ბარძაყის სახსრის ნაწილობრივ ან სრულ ამოვარდნას გულისხმობს. ბარძაყის დისპლაზიამ შესაძლოა ძვლის ცვეთა და ამ პროცესთან დაკავშირებული ტკივილი გამოიწვიოს. 

კომპანიონი ცხოველების უმრავლესობას ბარძაყის დისპლაზია დაბადებიდანვე აქვს. თუ ბარძაყის დისპლაზიის დიაგნოზირება ადრეულ ეტაპზე მოხდება, პრობლემის გამოსწორებას იოლად შეძლებთ. სხვა შემთხვევებში, ძვლების მდებარეობის შესაცვლელად შესაძლოა ოპერაცია გახდეს საჭირო. 

მიუხედავად იმისა, რომ ამ დაავადების განვითარებაში გენეტიკა მნიშვნელოვან როლს ასრულებს, სახსრებზე დატვირთვის შესამცირებლად ჯანსაღი წონის შენარჩუნებას განსაკუთრებული მნიშვნელობა აქვს. ყოველდღიური სეირნობა და ცურვა მენჯ-ბარძაყის გარშემო არსებული კუნთების ჩამოყალიბებას და მათი სიმტკიცის შენარჩუნებას შეუწყობს ხელს.

შებერილობა

შებერილობა ადამიანებისთვის უწყინარ პრობლემად აღიქმება, თუმცა, ძაღლებში ამ მდგომარეობამ შესაძლოა ფატალური შედეგიც კი გამოიწვიოს. პრობლემის პრევენციისთვის, გონივრული იქნება ყურადღება ისეთ სიმპტომებს მიაქციოთ, როგორიც ღებინება, შესიებული მუცელი ან ჭარბი ნერწყვდენაა. ნებისმიერი სიმპტომის გამოვლენისთანავე, გთხოვთ, დაუყოვნებლივ დაუკავშირდეთ თქვენს ვეტერინარს. 

შებერილობის თავიდან ასაცილებლად, სასურველია თქვენი ერთგული კომპანიონის ყოველდღიური რაციონი მინიმუმ 2-3 კვებაზე გაანაწილოთ. გირჩევთ, აგრეთვე, ყურადღება მიაქციოთ, რომ ჭამის შემდეგ თქვენმა მეგობარმა დიდი რაოდენობით წყალი არ მიიღოს. შებერილობის თავიდან ასაცილებლად, კომპეტენტური მშობლები ხშირად უპირატესობა ამაღლებული ცენტრის მქონე სპეციალურ თასებს ანიჭებენ. მათ შეძენას თქვენს სახლთან ახლოს მდებარე ნებისმიერ ზოო მაღაზიაში შეძლებთ. 

ოსტეოსარკომა

ოსტეოსარკომა ძვლის კიბოს აგრესიული ფორმაა. ამ დაავადების მაიდენტიფიცირებელი პირველი ნიშანი კოჭლობაა, ამიტომ, თუ შეამჩნევთ, რომ თქვენი ოჯახის მნიშვნელობან წევრს ყოველგარი წინაპირობის გარეშე, უეცრად დაეწყო გადაადგილებასთან დაკავშირებული პრობლემები, ამ ვერაგი დაავადების გამოსარიცხად დაუყოვნებლივ მიმართ ვეტერინარს. 

ოსტეოსარკომას, როგორც წესი, კიდურის ამპუტაციით და ქიმიოთერაპიით მკურნალობენ. თუმცა, საბედნიეროდ, ჩვენი ძვირფასი მეგობრები იოლად ეგუებიან სამ ფეხზე ცხოვრებას და ადამიანების მსგავსად არ განიცდიან ქიმიოთერაპიის ისეთ გვერდით ეფექტებს, როგორიც გულისრევა და თმის ცვენაა.

კანისა და ყურის ინფექციები

კანის ინფექციებთან დაკავშირებული გართულებების თავიდან ასარიდებლად, სპეციალურად ოთხფეხა მეგობრებისთვის განკუთვნილი ჰიგიენური საშუალებების გამოყენებას გირჩევთ. აგრეთვე, შესაძლებლობის შემთხვევაში, სასურველია თქვენს ოთხფეხა მეგობარს ალერგიული სინჯი გაუკეთოთ და მაქსიმალური სიზუსტით დაადგინოთ, თუ რომელ პროდუქტებზე აქვს მას ალერგია. ეს შესაძლებლობას მოგცემთ ულუფიდან ამოიღოთ ყველა ის ინგრედიენტი, რომელმაც კვებითი  ალერგიული რეაქცია  შეიძლება გამოიწვიოს.

გიგანტური ზომისა და ზრდის განსაკუთრებული ტემპის გამო, სერბერნარი საკვები ნივთიერებებით მდიდარ რაციონს საჭიროებს. სათანადო განვითარებისთვის მას ცილების, ცხიმების, ვიტამინებისა და მინერალების დაბალანსებული ოდენობა ესაჭიროება. 

ჩვენი ოთხფეხა მეგობრის სპეციფიკური დიეტური მოთხოვნილებების სათანადოდ დაკმაყოფილებაში სპეციალურად გიგანტური ჯიშებისთვის შექმნილი მაღალი ხარისხის ძაღლის საკვები დაგვეხმარება. თუმცა, ვინაიდან, სერბერნარები ხშირად ჭარბი წონის მატებისკენ არიან მიდრეკილი, სასურველია მათ მიერ დღის განმავლობაში მიღებული კალორიების ოდენობას განსაკუთრებული ყურადღება მივაქციოთ. ჭარბმა წონამ შესაძლოა მათი სახსრების დატვირთვა და ჯანმრთელობის სერიოზული პრობლემები გამოიწვიოს. 

შებერილობისადმი მიდრეკილების გამო, სასურველია ჩვენი კომპანიონი ცხოველის კვების დროსა და სიხშირესაც მიაქციოთ ყურადღება. სიცოცხლისთვის საშიში ამ მდგომარეობის თავიდან აცილებას ოთხფეხა მეგობრისთვის მცირე ულუფების ხშირად შეთავაზებით და ფიზიკური დატვირთვის ინტენსივობის შემცირებით შევძლებთ. 

სერბერნარისთვის ადეკვატური ოდენობით წყლის მიღებაც სასიცოცხლოდ მნიშვნელოვანია. სწორედ ამიტომ, დარწმუნდით, რომ თქვენი ოჯახის მნიშვნელოვან წევრს რეგულარულად აქვს წვდომა სუფთა წყალთან, განსაკუთრებით ჭამის და ვარჯიშის შემდეგ.

გახსოვდეთ, პორციების ზომის დასადგენად და ჯანსაღი წონის შესანარჩუნებლად, კომპანიონი ცხოველების ცხოვრების წესსა და ფიზიკური დატვირთვის ინტენსივობასაც უნდა მიაქციოთ ყურადღება. სხეულის მდგომარეობის მონიტორინგი სერბერნარის კვებითი ჩვევების საჭიროებისამებრ შესაცვლელად განსაკუთრებით მნიშვნელოვანია. 

კომპანიონი ცხოველისთვის რეკომენდირებული საკვების ასაკის, წონის, ჯანმრთელობის მდგომარეობისა და აქტივობის დონის შესაბამისად განსაზღვრაში და კვებასთან დაკავშირებული დეტალური ინფორმაციის მიღებაში ნუტრიციოლოგი დაგეხმარებათ.

მასიური ზომითა და ნაზი ტემპერამენტით ცნობილი სერბერნარის ისტორია შვეიცარიის ალპებში დაიწყო. ამ მშვენიერი ძაღლების წარმოშობა შვეიცარიასა და იტალიას შორის მდებარე წმინდა ბერნარის სახელობის ჰოსპისს უკავშირდება. 

გადმოცემის თანახმად, ჰოსპისში მცხოვრებმა ბერებმა დაახლოებით მე-17 საუკუნეში გადაწყვიტეს მოეშენებინათ დიდი და ძლიერი ძაღლები, რომლებიც უღელტეხილის დაცვაში და ძლიერ ქარბუქში დაკარგული მოგზაურების გადარჩენაში დაეხმარებოდათ.

ალპური მასტიფების სახელით ცნობილ ამ კომპანიონ ცხოველებს მკაცრ რელიეფზე ნავიგაციის შესანიშნავი უნარი აქვთ. ალპების თოვლიან უღელტეხილებში მათ რამდენიმე ათასეული ადამიანი გადაარჩინეს სიკვდილს. ამ დამსახურების გამო, სერბერნარებმა საერთაშორისო აღიარება მოიპოვეს და მაშველი ძაღლების სიმბოლოდ იქცნენ. 

სიმამაცის, შეუპოვრობისა და ადამიანებისადმი გამოვლენილი სიყვარულის გამო, სერბერნარებს “წმინდა ძაღლების” სახელითაც მოიხსენიებენ. დღეს, ოჯახის ეს მნიშვნელოვანი წევრები, კეთილშობილური ქცევითა და ურყევი ერთგულებით ცვლიან უკეთესობისკენ მილიონობით ადამიანის ცხოვრებას მთელი მსოფლიოს მასშტაბით.