დევონ რექსის პიროვნება ცნობისმოყვარე და ძალიან აქტიურია. მხიარული ტემპერამენტისა და ინტელექტის მაღალი დონის გამო სახლის არც ერთი კუთხე არ რჩება მისგან შეუსწავლელი. თუმცა, მიუხედავად იმისა, რომ ოჯახის ამ მნიშვნელოვან წევრებს ყველაფერი აინტერესებთ, რაც მათ ირგვლივ ხდება, დევონ რექსის ჯიშის წარმომადგენლები თავიანთ კომპანიონ ადამიანებზე არიან ორიენტირებული და მათთან ერთად ყოფნაზე არასდროს ამბობენ უარს.

სასურველია, დევონ რექსი დიდი ხნის განმავლობაში არ დარჩეს მარტო, თორემ, ასეთ შემთხვევაში, შესაძლოა მისი მოწყენა დესტრუქციულ ქცევაში გამოვლინდეს. სათანადო დროის დათმობასთან ერთად, ოჯახის ამ მნიშვნელოვან წევრს სიახლოვისა და კომფორტის მომენტებიც ხშირად უნდა შევუქმნათ.

ჰიპოტრიქოზი

ჰიპოტრიქოზი თმის ზრდასთან დაკავშირებული გენეტიკური დარღვევაა, რომელიც კომპანიონი ცხოველის ბეწვის ჯანმრთელობაზე მნიშვნელოვან გავლენას ახდენს. დაავადების პრევენციაში საკვები ნივთიერებებით მდიდარი დიეტა, კანის რეგულარული მოვლა და საჭიროების შემთხვევაში გადაუდებელი ვეტერინარული შემოწმება დაგეხმარებათ.

თუ თქვენი ოჯახის მნიშვნელოვან წევრზე დაკვირვების შედეგად ჰიპოტრიქოზის ნიშნებს გამოავლენთ, ვეტერინართან კონსულტაცია გამომწვევი მიზეზის იდენტიფიცირებასა და შესაბამისი ზომების დროულად მიღებაში დაგეხმარებათ.

მიოპათია 

მიოპათია კუნთოვანი ქსოვილების არასწორად ფუნქციონირების შედეგად ვითარდება და კომპანიონი ცხოველების კუნთების სისუსტეს იწვევს. ამ პრობლემის მკურნალობა შესაძლოა მედიკამენტოზურ თერაპიას, ფიზიოთერაპიას, მასაჟს ან ქირურგიულ ჩარევას საჭიროებდეს. 

თქვენი კომპანიონი ცხოველის კუნთების სათანადოდ ჩამოყალიბებას პროტეინის ადეკვატური რაოდენობის შემცველი, მაღალი ხარისხის საკვები შეუწყობს ხელს. რაციონში E, D და B ვიტამინების დამატება დადებითად აისახება თქვენი ოჯახის მნიშვნელოვანი წევრის კუნთების ჯანმრთელობაზე. თუმცა, თქვენი კომპანიონი ცხოველის დიეტაში ნებისმიერი ვიტამინის დამატებამდე აუცილებლად გაიარეთ კონსულტაცია ნუტრიციოლოგთან. 

ოჯახის ახალი წევრის შეძენამდე მისი გენეტიკური ისტორიის შესწავლა კომპეტენტური ზრუნვის წინაპირობაა. თუ დევონ რექსის შეძენა გაქვთ გადაწყვეტილი, სასურველია შეარჩიოთ სელექციონერი, რომელიც კომპანიონ ცხოველებს შეწყვილებამდე ამოწმებს გენეტიკურ დარღვევებზე. 

პოლიკისტოზი 

პოლიკისტოზი გენეტიკური დაავადებაა, რომელიც თირკმელებში კისტების წარმოქმნას იწვევს. დაავადებასთან დაკავშირებული სიმპტომები წელის არეში ტკივილს, შეშუპებას, მაღალ არტერიულ წნევას, პირის სიმშრალესა და წყურვილის მომატებულ გრძნობას მოიცავს. პოლიკისტოზის დიაგნოსტიკა ულტრა-ბგერითი გამოკვლევის შედეგად ხდება. 

მკურნალობის პროცესი შესაძლოა ორგანიზმიდან ჭარბი სითხის ხელოვნურად გამოდევნას და დონორული ორგანოს გადანერგვას საჭიროებდეს. თირკმლის პოლიკისტოზის დროს სასურველია კომპანიონი ცხოველი ცილების, მარილებისა და ცხიმიანი ხორცის დიდი რაოდენობით მიღებას მოარიდოთ. 

დევონ რექსის კეთილდღეობის უზრუნველსაყოფად და მისი ნუტრიციოლოგიური მოთხოვნების დასაკმაყოფილებლად კარგად დაბალანსებულ კვებას განსაკუთრებული მნიშვნელობა აქვს. საუკეთესო შემთხვევაში, რაციონი ცილებით, ცხიმებით, ნახშირწყლებით, ვიტამინებითა და მინერალებით მდიდარ ფორმულას უნდა მოიცავდეს. ცილა განსაკუთრებით დევონ რექსის კუნთოვანი მასისა და ენერგიის დონის შენარჩუნებისთვისაა მნიშვნელოვანი. 

დევონ რექსის ჯიშის წარმომადგენლებს მაღალი მეტაბოლიზმი და მგრძნობიარე საჭმლის მომნელებელი სისტემა აქვთ. სწორედ ამიტომ, გირჩევთ რეგულარული ინტერვალით უზრუნველყოთ მათთვის საკვების მიწოდება, განსაკუთრებით მაშინ თუ საქმე ახალდაბადებული კნუტის კვებას ეხება. 

კვებასთან დაკავშირებული სწორი მითითებები სასიცოცხლოდ მნიშვნელოვანია ჩვენი ოთხფეხა მეგობრის სიმსუქნის თავიდან ასაცილებლად. სწორედ ამიტომ, პორციების ზომის ასაკის, წონის, აქტივობის დონისა და ჯანმრთელობის მდგომარეობის გათვალისწინებით შესარჩევად  გირჩევთ კონსულტაცია ნუტრიციოლოგთან გაიაროთ. 

მიუხედავად იმისა, რომ კარგად დაბალანსებული საკვები ჩვენს კომპანიონ ცხოველს ორგანიზმისთვის საჭირო ნივთიერებების მნიშვნელოვან ნაწილს აწვდის, შესაძლოა გარკვეულ შემთხვევებში მისთვის დამატებითი ვიტამინების მიწოდებაც გახდეს საჭირო. ასეთ დროს, გთხოვთ, გაითვალისწინოთ, რომ კომპანიონი ცხოველისთვის ნებისმიერი დანამატის მიწოდება მხოლოდ ნუტრიციოლოგის ზედამხედველობით უნდა განხორციელდეს. 

დევონ რექსის ისტორიაც ისეთივე დამაინტრიგებელია, როგორც მისი გარეგნობა. ჯიში ინგლისში, 1960-იანი წლების ბოლოს, სწორედ მაშინ წარმოიშვა, როდესაც ხუჭუჭა ბეწვის მქონე ველური კატა, სახელად კირლი, მაწანწალა კატასთან, სახელად ბერილთან შეწყვილდა. შედეგად მივიღეთ კნუტები, რომელთაგან ერთ-ერთს მამის მსგავსი ხვეული ბეწვი ერგო მემკვიდრეობით. ამ კნუტს კირლის მის დეპესტო დაარქვეს და დევონ რექსის ჯიშის საფუძველად აქციეს.

მისის დეპესტოს უჩვეულო გარეგნობამ კატების მოყვარულთა ყურადღება მიიპყრო და სელექციონერებმა გამორჩეული ბეწვის მქონე მეტი კატის მისაღებად მისი შერჩევითი მოშენება დაიწყეს. დევონ რექსის ჯიში, შემდგომში, მის დეპესტოს სხვა კატებთან, მათ შორის კორნულ რექსთან და ამერიკულ მოკლებეწვიანთან შეწყვილებით განვითარდა.