ძაღლის ჯიშები

ტაქსა

  • ბეწვის ცვენა

    ნერწყვდენა

    გრუმინგის სიხშირე

    ბავშვებთან ურთიერთობა

    სხვა ცხოველებისადმი კეთილგანწყობა

    ოჯახის წევრებისადმი დამოკიდებულება

    სოციალიზაციის უნარი

    გაწვრთნის სიმარტივე

    ახალ გარემოსთან ადაპტაცია

    აქტიურობის დონე

    ფიზიკური დატვირთვის საჭიროება

    ყეფის ინტენსივობა

    სუნთქვის პრობლემები

ძაღლის ჯიშები

ტაქსა

ტაქსას გრძელი სხეული, მოკლე ფეხები და მრავლისმეტყველი სახე უამრავ ადამიანს ხიბლავს მთელი მსოფლიოს მასშტაბით. საყვარელი გარეგნობის გარდა, ტაქსები წარმოუდგენლად ერთგული და მოსიყვარულე კომპანიონი ცხოველები არიან. სხვადასხვა საცხოვრებელ გარემოსთან ადაპტირება და მეგობრული ბუნება ტაქსას შესანიშნავ კომპანიონად აქცევს როგორც ინდივიდებისთვის, ასევე ოჯახებისთვის.

ისინი ძლიერ კავშირს ქმნიან ოჯახის წევრებთან და მცირე ზომის მიუხედავად, დამცავ ბუნებასაც ხშირად ავლენენ. ჯიშისთვის დამახასიათებელი სიჯიუტე დიდი გამოწვევაა, თუმცა სათანადო წვრთნის შემთხვევაში, ტაქსები მორჩილებითაც გამოირჩევიან.

ჯიშისთვის დამახასიათებელი ძირითადი თვისებები:

  • აქტიური ვოკალიზაცია
  • სიმამაცე და მტკიცე ნებისყოფა
  • ცნობისმოყვარეობა
  • სილაღე
  • დამოუკიდებლობა
  • სიჯიუტე
  • სიფხიზლე
  • შეუპოვრობა
  • მოსიყვარულე ბუნება
  • ზომა

    მდედრი და მამრი ტაქსა სიმაღლეში 20-23 სანტიმეტრს აღწევენ. სხვა ფიზიკურ მონაცემებს რაც შეეხება, მათი სიგრძე 55-64 სანტიმეტრის ფარგლებში მერყეობს.

    წონა

    ტაქსას წონასთან დაკავშირებული ინდივიდუალური შემთხვევები გენეტიკის, დიეტისა და ჯანმრთელობის მდგომარეობის შესაბამისად განისაზღვრება. თუმცა, ჩვეულებისამებრ, ორივე სქესის წარმომადგენელი ზრდასრული ტაქსა 7.3 კილოგრამიდან 14.5 კილოგრამამდე იწონის.

    სიცოცხლის ხანგრძლივობა

    ტაქსას სიცოცხლის ხანგრძლივობა 12-დან 14 წლამდე მერყეობს და ადამიანის ცხოვრების დაახლოებით 69-78 წელს უტოლდება. თუმცა, გახსოვდეთ, ეს ციფრები მხოლოდ პირობითია და თქვენი ოჯახის მნიშვნელოვანი წევრის სიცოცხლის ხანგრძლივობა მისი ცხოვრების ჯანსაღ წესსა და ჰარმონიულ საარსებო გარემოზეა დამოკიდებული.

    ბეწვის საფარი

    ჩვეულებისამებრ, ტაქსა მოკლე, გლუვი ბეწვის საფარით ხასიათდება. თუმცა, არც თუ ისე იშვიათად შეხვდებით გრძელბეწვიან ტაქსას, რომელსაც რბილი, აბრეშუმისებრი ბეწვი ამშვენებს. ჯიშის გრძელბეწვიანი წარმომადგენლებისგან განსხვავებით, მოკლებეწვიანი ტაქსა მინიმალურ მოვლას საჭიროებს.