კატის ჯიშები

რაგდოლი

  • ოჯახის წევრებისადმი დამოკიდებულება

    სოციალიზაციის საჭიროება

    ბეწვის ცვენის სიხშირე

    ვოკალიზაციისადმი მიდრეკილება

    გრუმინგი

    სხვა ცხოველებისადმი კეთილგანწყობა

    გონიერება

    სილაღე

    აქტიურობის დონე

კატის ჯიშები

რაგდოლი

მშვიდი ტემპერამენტი და გამორჩეული გარეგნობა რაგდოლს მართლაც განსაკუთრებულ თანამგზავრად აქცევს. კატების სამყაროს „ნაზი გიგანტის“ სახელით ცნობილი რაგდოლები დიდი ზომით, თვალწარმტაცი ცისფერი თვალებით და გრძელი ბეწვით გამოირჩევიან. კომპანიონი ცხოველების ეს სახეობა განსაკუთრებით სოციალურია. ისინი ძლიერ კავშირს აყალიბებენ ოჯახის წევრებთან და სხვა შინაურ ცხოველებსაც შესანიშნავად ეწყობიან. 

მშვიდი ტემპერამენტი და ადაპტირებადი ბუნება მათ შიდა სივრცისთვის შესაფერის, იდეალურ კომპანიონებად აქცევს. რაგდოლები გონიერებითაც გამოირჩევიან და მათთვის შერჩეულ სახელზე მყისიერად რეაგირებენ. კომუნიკაბელურობის, ნაზი ბუნებისა და ინტელექტის ეს სასიამოვნო კომბინაცია რაგდოლს განსაკუთრებულ დანამატად აქცევს ნებისმიერი ოჯახისთვის.

ჯიშისთვის დამახასიათებელი ძირითადი თვისებები:

  • მშვიდი და მოსიყვარულე ბუნება  
  • მეგობრული ტემპერამენტი
  • კომუნიკაბელური ხასიათი
  • გონიერება
  • ზომა

    რაგდოლის სიმაღლე 23-28 სანტიმეტრს აღწევს, სიგრძე კი 43-53 სანტიმეტრის ფარგლებში მერყეობს.

    წონა

    ზრდასრული რაგდოლი 3.6 კილოგრამიდან 9.1 კილოგრამამდე იწონის. თუმცა, ყოველ ინდივიდუალურ შემთხვევაში, რაგდოლის წონა გენეტიკურ მემკვიდრეობაზე, ჯანმრთელობის მდგომარეობასა და კვების რაციონზეა დამოკიდებული. 

    სიცოცხლის ხანგრძლივობა

    რაგდოლის სიცოცხლის ხანგრძლივობა 12-დან 15 წლამდე მერყეობს. თუმცა, გახსოვდეთ, ეს ციფრები მხოლოდ პირობითია და თქვენი ოჯახის მნიშვნელოვანი წევრის სიცოცხლის ხანგრძლივობა მისი ცხოვრების ჯანსაღ წესსა და სტრესისგან თავისუფალ საცხოვრებელ გარემოზეა დამოკიდებული. რეგულარული ვეტერინარული შემოწმება და დაბალანსებული დიეტა მნიშვნელოვნად გააუმჯობესებს თქვენი კომპანიონი ცხოველის ცხოვრების ხარისხს.

    ბეწვის საფარი

    რაგდოლის რბილი და აბრეშუმისებრი ბეწვი ჯიშის სილამაზესა და ელეგანტურობას კიდევ უფრო მეტი სიცხადით წარმოაჩენს ჯანსაღი მბზინვარების შესანარჩუნებლად რაგდოლის ბეწვი რეგულარულ მოვლას საჭიროებს. საუკეთესო შემთხვევაში, სასურველია თქვენი კომპანიონი ცხოველის ბეწვი კვირაში მინიმუმ ორჯერ დავარცხნოთ.