ძაღლის ჯიშები

სამოედი

  • ბეწვის ცვენა

    ნერწყვდენა

    გრუმინგის სიხშირე

    ბავშვებთან ურთიერთობა

    სხვა ცხოველებისადმი კეთილგანწყობა

    ოჯახის წევრებისადმი დამოკიდებულება

    სოციალიზაციის უნარი

    გაწვრთნის სიმარტივე

    ახალ გარემოსთან ადაპტაცია

    აქტიურობის დონე

    ფიზიკური დატვირთვის საჭიროება

    ყეფის ინტენსივობა

    სუნთქვის პრობლემები

ძაღლის ჯიშები

სამოედი

ფუმფულა თეთრი ბეწვითა და მომღიმარი სახით ცნობილი სამოედი შესანიშნავი შენაძენია ნებისმიერი ოჯახისთვის. ეს კომპანიონი ცხოველები უჩვეულოდ მოსიყვარულე და ნაზი ბუნებით გამოირჩევიან. სამოედი საუკეთესო არჩევანია მათთვის, ვისაც სურს ჰყავდეს მეგობრული და მხიარული ძაღლი, რომელიც დროის უმეტეს ნაწილს შინ, კომპანიონი ადაიანების გვერდით ატარებს. გონიერება მათ ბრწყინვალე არჩევნად აქცევს იმ სახლებისთვისაც, სადაც ბავშვები იზრდებიან. ეს სოციალური კომპანიონები სანაცვლოდ მხოლოდ კომპეტენტურ სიყვარულსა და ყურადღებას ითხოვენ.

ჯიშის ძირითადი მახასიათებლები:

  • ენერგიული ტემპერამენტი
  • მოსიყვარულე ბუნება
  • მეგობრული ხასიათი 
  • ერთგულება
  • მხიარულება
  • კომუნიკაბელურობა
  • აქტიური ვოკალიზაცია
  • გონიერება
  • სიფრთხილე
  • ზომა

    მდედრი სამოედი სიმაღლეში 48-53, მამრი სამოედი კი 53-60 სანტიმეტრს აღწევს. სხვა ფიზიკურ მონაცემებს რაც შეეხება, სამოედის ჯიშის წარმომადგენელთა სიგრძე 72-90 სანტიმეტრის ფარგლებში მერყეობს.

    წონა

    სამოედის წონასთან დაკავშირებული ინდივიდუალური შემთხვევები გენეტიკის, დიეტისა და ჯანმრთელობის მდგომარეობის შესაბამისად იცვლება. თუმცა, ჩვეულებისამებრ, ზრდასრული მამრი სამოედი 20-29.5 კილოგრამამდე იწონის. მდედრი სამოედის შემთხვევაში, ეს მაჩვენებელი უფრო მცირეა და 15.9-22.7 კილოგრამს შეადგენს.

    სიცოცხლის ხანგრძლივობა

    სამოედის სიცოცხლის ხანგრძლივობა 12-დან 13 წლამდე მერყეობს და ადამიანის ცხოვრების დაახლოებით 69-74 წელს უტოლდება. თუმცა, გახსოვდეთ, ეს ციფრები მხოლოდ პირობითია და თქვენი ოჯახის მნიშვნელოვანი წევრის სიცოცხლის ხანგრძლივობა მისი ცხოვრების ჯანსაღ წესსა და ჰარმონიულ საარსებო გარემოზეა დამოკიდებული.

    ბეწვის საფარი

    სამოედს თეთრი ბეწვი ამშვენებს. მისი ქურთუკი უხეში თმის გრძელი გარე საფარისა და რბილი, სქელი, მატყლისებრი ქვედა ფენისგან შედგება. მშობლიურ ქვეყანაში სამოედი წელიწადში ერთხელ, ჩვეულებისამებრ, ზაფხულში იცვლის ბეწვს. თუმცა, სხვა ადგილებში შესაძლოა ეს პროცესი ორჯერ, გაზაფხულსა და შემოდგომაზე განმეორდეს. ჯიშის მამრობითი სქესის წარმომადგენლებს, მდედრებთან შედარებით, უფრო გრძელი ბეწვი აქვთ, შესაბამისად, ცვენის ინტენსივობა მათ შემთხვევაში უფრო მაღალია. ბეწვის სისუფთავისა და ზედმეტი ცვენის თავიდან ასაცილებლად, ჩვეულებისამებრ, სამოედს ყოველდღიური გრუმინგი ესაჭიროება.